Wurschtspaetzle

Wurschtspätzle

Was braucht er dazu:

• xxx gr. Bräd
• xxx gr. Mehl
• xxx gr. Eier
• xxx gr. grauchte Schinkenwurscht
• xxx gr. Petersillie
• xxx gr. Fondor
• xxx gr. Zwieble
• xxx ml Wasser
• xxx ml Sprudel
• xxx Gewürze (nach Gschmack)
• xxx Klare Fleischbrüh

Wie wird’s gmacht:

Man nimmt des Mehl und haut es in die Schüssel und dann haut man des Wasser druf. Des ganze wird jetzt grührt, der Teig muss aber lebbrig sei. Denn dann macht mer des Bräd nei und des muss mer dann au nei rühre, dann wird’s scho feschter. So jetzt kommet die Eier nei, wie viele liegt immer im ermässe von die Leit die es sich machet. Und natürlich net des rühre vergesse. So jetzt kommt die Wurscht nei, darfsch aber natirlich net die ganze Rädle nei schmeiße, solltesch se richtig kloi mache. S gleiche gilt natirlich au für die Petersilie, die musch sche kloi mache. Und ja net des rühre vergesse. So jetzt  hausch no des Fondor und die Gwürz nei, die de mogsch. Und was darfsch net vergesse, klar des rühre. Wenn der Teig immer no lebbrig isch dann musch no a bissle Mehl nei haue, bis der Teig richtig zäh wird.

So jetzt nimmsch en Dopf voll Wasser und machs daraus a gute klare Fleischbrüh. Wenn die dann so richtig kocht dann nimmsch am beschte 2 Löffele und masch aus dem Teig immer so kloine Knödele (dickere Spatzen) und läsch die ins Wasser nei. Die tauchet dann au glei ab, jetzt fragsch dich bestimmt und wann sen se fertig, des isch ganz einfach wenn se auftauchet dann nimmsch se nach einem weile einfach aus dem Wasser raus und fertig ischs. Des  ganze machs so lang bis die Schlüssel leer isch.

So jetzt wilsch bestimmt au no wisse wie viel von dem Zeugs da obe du nemme musch, des kann i dir aber leider net sage, denn i koch immer alles nach Gfihl.